Kinders is baie belangrik. Navorsing het ons geleer dat die grootste persentasie van Christene in die laerskool tot bekering kom. Die groei en die toekoms van die Christelike geloof lê by ons kinders.
Aucklandpark Teologiese Seminarium (ATS) het in 2002 'n groep teoloë en opvoedkundiges byeengebring om 'n sondagskoolprogram te beplan en te ontwikkel. Die opdrag aan die span skrywers was om ’n program te ontwikkel wat ons kinders van vroeg af reeds kan voorberei om selfstandige Christene te word, wat die Bybel ken en lief is vir die Bybel.
Die program is ‘n volledige hulpmiddel vir ouers, sondagskoolonderwysers en/of onderwysers wat op ’n gestruktureerde wyse kinders geestelik wil ontwikkel. Dit bestaan uit weeklikse lesse vir graad 0 tot en met graad 7 leerders.
Victor Kids is gefundeer is op:
- Bybelse waarhede
- Christelike waardes
- Ontwikkelings gepaste leeraktiwiteite en -inhoud
- Eiesoortigheid van die Suid-Afrikaanse konteks
Die program verseker dat die leerders aktief betrek word by die les en dat die aanbieder in staat is om elke week 'n stimulerende en goed deurdagte program aan te bied.
Victor Kids plaas in die hande van elke opvoeder 'n professioneel uitgewerkte reeks lesse, met toepaslike ysbrekers en kreatiewe aktiwiteite, aktiwiteitsblaaie asook alle grafiese materiaal wat nodig is om die les aan te bied. Kantaantekeninge by elke les verskaf inligting aan die aanbieder wat die rasionaal vir die insluiting van sekere aktiwiteite verduidelik. Alle tekeninge in die boek is inkleurbaar (swart en wit) en bied so ekstra aktiwiteite aan leerders. Dit verminder ook die drukkoste vir die gebruiker.
Die volledige kurrikulum word digitaal verskaf (in PDF) en, anders as met ander sondagskoolprogramme, hoef geen ekstra werksboeke of aktiwiteitsblaaie aangeskaf te word nie. Die material is gratis.
Victor Kids is opgedeel in 4 lewensfases:
- Lewensfase 1: Graad 0 - Graad 1
- Lewensfase 2: Graad 2 - Graad 3
- Lewensfase 3: Graad 4 - Graad 5
- Lewensfase 4: Graad 6 - Graad 7
Elke lewensfase bestaan uit twee modules. Module 1 is die kurrikulum vir die eerste helfte van die skooljaar terwyl Module 2 tydens die laaste semester van die jaar aangebied word. Elke module bevat +-20 lesse per lewensfase.
Module 1: GOD, DIE OMGEWING EN MENSE
In die module word gekyk na die skeppingsverhaal, die mens se verantwoordelikheid teenoor die skepping en God se betrokkenheid by die mens. Die waarheid van God as Skepper van die heelal word vandag geweldig aangeval. Die program poog om op ’n verantwoordelike wyse ons kinders paraat te maak vir hierdie aanslag.
Module 1 is volledig beskikbaar.
Bo en behalwe die algemene Bybelkennis en stories wat deur die lesse behandel word, word ook ander ontwikkelingsdoelwitte met Victor Kids nagestreef. Versprei oor die vier lewensfases, is daar lesse wat onder andere op die volgende fokus:
- Lewensvaardighede word uitgebou deur lesse wat handel oor kreatiwiteit, probleemoplossing, omgewingsbewaring, sosiale verantwoordelikheid, weerbaarheid en die ontdekking van 'n eie lewensdoel.
- Trauma hantering word met groot omsigtigheid bekyk, in onder andere lesse wat fokus op verlies aan eiewaarde, verlies deur die dood, verwerking van egskeiding, en die trauma van molestering of verkragting. Hierdie lesse is ongemaklike temas maar dit is baie nodig in ons vervalle wêreld. Ons stel voor dat u as 'n Sondagskool saam sal vergader, hierdie lesse bespreek en besluit hoe u leerders wat aan molestering of verkragting blootgestel is, gaan ondersteun. Praktiese riglyne word ook in die lesse gegee.
- Christen feeste wat in die eerste semester van die jaar bespreek word is Paasfees en Pinksterfees. Ons wil graag hê dat ons kinders moet ervaar dat hulle deel is van 'n groot liggaam wat dwarsoor die wêreld is en wat belangrike feeste saam vier.
- Geestelike groei is die hoof doel van hierdie materiaal en sake wat veral aandag geniet in die eerste semester is wedergeboorte, doping in die Heilige Gees, geloofsvertroue, gehoorsaamheid, heiligmaking en vergenoegdheid. Ons oogmerk is om ons leerders liewer te maak vir Jesus en Sy woord, die Bybel.
| Lewensfase 1 |
Lewensfase 2 |
Lewensfase 3 |
Lewensfase 4 |
1 Die Skepping: Die eerste drie dae
2 Die Skepping: Die vierde en vyfde dag
3 Die Skepping: Die sesde en sewende dag
4 Verantwoordelikheid vir ’n gesonde lewe
5 Diesondeval
6 Noag se ark
7 Rentmeesterskap: Water
8 Rentmeesterskap: Lug en omgewing
*Paasfees
9 Klein Samuel
10 God praat met Samuel
11 Eli se dood
12 Samuel salf Dawid
13 Dawid en Goliat
14 Elia en die kraaie
15 Elia en die weduwee
16 Elia en die Baälprofete
*Pinkster
17 Die einde van die profeet Elia
18 Eiewaarde
19 Hersiening
|
1 God het die wêreld gemaak
2 God as Skepper van verskeidenheid
3 God het my en mense gemaak
4 Elke mens is spesiaal
5 Ek is deel van God se groot prent
6 Beskermers van God se aarde
7 God se sorg en gehoorsaamheid
8 God sorg vir my en die skepping
*Paasfees
9 Vergenoegdheid
10 God is ewig en onveranderlik
11 God is almagtig en alomteenwoordig
12 God is Heilig
13 God is Vader
14 God is liefde
15 Ewige en tydelike dinge
16 Verlies van eie waarde
*Pinkster
17 Verlies deur die dood
18 Eiewaarde
19 Hersiening
|
1 Die Skepping is ongelooflik
2 Skepping vertel ’n storie
3 Jy is deur God gemaak
4 Jy is uniek
5 Jy is met ’n doel gemaak
6 Die Skepping loof God
7 God sorg vir my
8 God se beskerming en ons gehoorsaamheid
*Paasfees
9 God beskerm ons
10 Dade het gevolge
11 My verhouding met God
12 Beskermers van God se aarde
13 God maak my nuut
14 As die Here die huis nie bou nie
15 Verlies aan eie waarde
16 Doen wat reg is in die oë van die Here
*Pinkster
17 Verlies deur egskeiding
18 Verlies van onskuld
19 Hersiening
|
1 Die kroon van God se skepping
2 Ambassadeur vir God
3 God die Skepper het ’n doel met my lewe
4 Sonde maak dat jy jou doel te mis
5 My posisie in Christus
6 Ek is God se kind
7 God stel my in staat om ’n sukses te wees
8 'n Mislukking word in God se hande ’n sukses
*Paasfees
9 Die Christen en kreatiwiteit(#1)
10 Die Christen en kreatiwiteit (#2)
11 Om probleme op te los (#1)
12 Om probleme op te los (#2)
13 Oorwinnende lewensstyl
14 Getuie vir God
15 Om ander in nood te help
16 Medewerker van God
*Pinkster
17 Trauma: Verlies aan iets waardevol
18 Trauma: Verlies deur die dood
19 Trauma: Verlies aan onskuld
20 Hersiening **
|
* Die Paasfees en Pinkster lesse is nie genommer nie want Paasfees en Pinkster vind elke jaar op ander dae plaas; dit word bepaal deur die stand van die maan. U rangskik dus die lesse in die kalender soos wat dit u sondagskoolprogram pas. Paasfees moet egter so na as moontlik aan Paasfees aangebied word, verkieslik voor die skole vir die vakansie sluit.
** Lewensfase 4 het een meer Trauma les as die ander lewensfases. U hoef nie al die trauma lesse te behandel nie. U kan besluit ons die te kies wat vir u leerders relevant is.
Module 2: GOD SE KINDERS EN ANDER MENSE
In die onderskeie lewensfases word gekyk na fasette van ons bestaan as mense: eerstens as God se kinders en tweedens, ons verhouding met ander. In die verskillende lesse word kennis deurgegee, gesindheidsverandering bewerk, vaardighede en karakter ontwikkel.
Module 2 is volledig beskikbaar.
